اسلام آباد 25 جولائي (اے پي پي) په المان كښې د پاکستان په سفارت د راپارېدلو مظاهرچيانو لخوا د بريد او د قامي بېرغ كوزولو پېښې په ضد د وفاقي كابينې غړو “حرمت پرچم” كمپائن پېل كړے ۔ وفاقي وزيرانو په سوشل ميډيا قامي بېرغ سره د مينې پېغامونه هم تحرير كړي۔ نائب وزيراعظم او خارجه وزير اسحاق ډار، وفاقي وزيرانو سردار اويس لغاري، عبدالعليم خان، رانا تنوير، عطا الله تارړ پشمول نورو وزيرانو هم د قامي بېرغ عكسونه په سوشل ميډيا جاري كړي ۔ د اطلاعات وفاقي وزير عطا الله تارړ “چاند روشن چمکتا ستاره رهے، سب سے اونچا يه جھنډا همارا رهے، د پاکستان دښمنانو ته واضح پېغام” سره په سوشل ميډيا عكس پوسټ كړے٬ دغسې ډاکټر مصدق ملک، علي پرويز ملک او جام کمال خان هم قامي بېرغ او د “پاکستان زنده باد” پېغام سره عكسونه جاري كړي۔ وفاقي وزير عطا الله تارړ په دې موقع ووئيل سياسي کارکن، خبريالان ، دانشوران، استاذان، وکيلان، ډاکټران، كروندګر، مزدوران، زده كوٶنكي ، کاروباريان، بهر هېوادونو كښې محب وطن پاکستانيان او پاکستاني ځوانان د “حرمت پرچم كمپائن” دې برخه وګرځي۔ ده ووئيل د پاکستان بېرغ زمونږ قامي شناخت دے او د خپلواكۍ علامت دے٬ د پاكستان بېرغ د قام د اتحاد او د يووالي نمائندګي كوي۔ ده ووئيل اګست د پاکستان د آزادۍ مياشت ده “حرمت پرچم“ دا كمپائن به پرله پسې روان ساتو، حرمت پرچم قامي ذمه واري ده او د هر پاكستاني فرض دے چې ھغه په دې عمل وكړي۔ د يادونې وړ ده په سوشل ميډيا د وفاقي وزيرانو د “حرمت پرچم” كمپائن ښه ډاډګيرنه روانه ده۔
“عطائے رب کريم پرچم” ۔۔۔ په المان كښې د پاكستان په سفارت د مظاهرچيانو لخوا بريد او د قامي بېرغ كوزولو پېښې په ضد وفاقي كابينې “حرمت پرچم” كمپائن پېل كړو
مضمون کا ماخذ : estratégias para loteria
متعلقہ مضامین
