اسلام آباد ۔ 28 اگست (اے پی پی)وزیراعظم عمران خان آکھیے جو حکومتی کوششاں اتے حکمت عملی پاروں کرونا توں بچیا گئے،کرونا دا خطرہ حالی ٹلیا نئیں،پوری قوم کوں کردارادا کرنڑا ہوسی،وفاق صوبیاں نال پورا تعاون کریسی، م??رم الحرام اچ ایس او پیز تے سختی نال عمل کرنڑا ہوسی،کراچی دے مسلہ تے وفاقی حکومت صوبے نال پورا ہتھ ونڈیسی اتے لوکاں کوں فوری ریلیف ڈتا ویسی۔اے گالھ وزیراعظم عمران خان اسلام آباد اچ این سی او سی اجلاس دی اگوانڑی کریندے آکھی۔ اجلاس اچ محرم اچ کرونا توں بچنڑ،سکولاں اچ تعلیمی سرگرمیاں دی بحالی اتے کراچی دی صورت??ال سودھا مختلف شعبیاں اچ اقدامات تے غورکیتا گئے۔اجلاس اچ وفاقی وزیر برائے منصوبہ بندیاسد عمر، ??فاقی وزیر برائے تعلیم و پیشہ ورانہ تربیت شفقت محمود، وفاقی وزیر برائے ہوا بازی غلام سرور خان، وفاقی وزیر اقتصادی امور مخدوم خسرو بختیار، ??فاقی وزیر برائے صنعت و پیداوار محمد حماد اظہر، ??فاقی وزیر برائے غذائی تحفظ و تحقیق سید فخر امام، وزیراعظم دے مشیر برائے خزانہ ڈاکٹر عبدالحفیظ شیخ، وزیراعظم دے مشیر برائے تجارت عبدالرزاق داود، وزیراعظم دی معاون خصوصی برائے سماجی بہبود و تخفیف غربت ڈاکٹر ثانیہ نشتر، ??زیراعظم دے مشیر برائے صحت ڈاکٹر فیصل سلطان ، وزیراعظم دے معاون خصوصی برائے اطلاعات و نشریات لیفٹیننٹ جنرل (ر) عاصم سلیم باجوہ، وزیراعظم دے معاون خصوصی برائے قومی سلامتی ڈاکٹر معید یوسف، چئیرمین این ڈی ایم اے اتے بئے سینئر حکام شرکت کیتی۔اجلاس اچ وزیراعظم آزاد جموں و کشمیر راجہ فاروق حیدر خان اتے صوبائی وزرائے اعلیٰ وی ویڈیو لنک تے موجود ہن۔وزیر برائے منصوبہ بندی اسد عمرکرونا دے حوالے نال مختلف اقدامات تے بریفنگ ڈتی۔اجلاس اچ محرم الحرام اچ مجالس اتے جلوساں بارے حکمت عملی ، ایس اوپیز تے عمل درآمدبارے وی ڈسایا گیا۔ وزیرِ اعظم آکھیا جوکورونا دی بہتر صورت??ال تے این سی او سی،طبی عملہ،سیکیورٹی ادارے،صوبائی حکومتاں،علما کرام اتے بئے متعلقہ حکام دی کارکردگی چنگی رہی اے،چنگے تعاون اتے رابطہ کاری پاروں کرونا تے قابو پاتا گئے،خطرہ حالی وی موجود اے ایں سانگے پوری قوم دے تعاون دی لوڑھ اے اتے ودھ توں ودھ ایس او پیز اختیار کیتے ونجن۔ وزیرِ اعظم عمران خان وزیرِ اعلیٰ سندھ نال کراچی دی سورت??ال تے الیندے یقین ڈوایا جو حکومت کراچی دے عوام کوںسوکھ ڈیونڑ کیتے پورا ہتھ ونڈیسی،سارے وفاقی ادارے ریلیف سرگرمیاں اچ صوبائی حکومت دا ہتھ ونڈاون،میںا ٓپ تیکھے کراچی ونج تے صورت??ال دا جائزہ گھنساں۔
کرونا دا خطرہ حالی ٹلیا نئیں،پوری قوم کوں کردارادا کرنڑا ہوسی،وفاق صوبیاں نال پورا تعاون کریسی، وزیر اعظم عمران خان دا این سی او سی اجلاس نال خطاب
مضمون کا ماخذ : آن لائن لاٹری کے انعامات
متعلقہ مضامین
