اسلام آباد26اکتوبر (اے پي پي)د وزيراعظم د كشمير٬ګلګت بلتستان چارو خاص صلاحكار قمر الزمان كائره وئېلي دي پاكستان٬كشمير او په ټوله نړۍ كښې به(نن) د اكتوبر 27مه نېټه د تورې ورځې په توګه لمانځلې شي٬د نړۍ په وړاندې به د هند ناوړه څيره بې نقابه كوو٬هند خپل پوځ د 80 زره نه 10 لكه كړے خو د كشميريانو د آزادۍ په جذبه كښې يوه ذره كمے نه دے راغلے ٬كشميريان د خپل حق خود اراديت څخه وروستو كېدو ته تيار نه دي٬د بلاول بهټو په هڅو د كشمير مسئلې المان ملاتړ كړے ٬ كوم چې د فعاله سفارتكارۍ علامت دے۔د شورو په ورځ د كشمير پارليماني كمېټۍ چيئرمېن سيد باسط احمد بخاري٬د اے پي اېچ سي لارښودو غلام محمد صفي٬محمود احمد ساغر٬سيد فيض نفشبدي او شېخ متين سره پي آئي ډي كښې شريك خبري كنفرنس ته وېنا كوله۔د وزيراعظم صلاحكار قمرالزمان كائره وئېلي دي 27 اكتوبر هغه ورځ ده كومه چې په پاكستان او كشمير كښې د تورې ورځې په توګه ليدلې او لمانځلې كېږي٬په دې ورځ هند په كشمير كښې خپل جبر٬استبداد او ظلم پېل كړے ؤ ٬هند خپل 80 زره پوځ كشمير ته داخل كړے ؤ ٬د دې ورځې نه وړاندې كشميريانو او د هغه ځاې قيادت د پاكستان سره په الحاق لاس ليك كړے ؤ ٬د دې نه پس هند د مهاراجه څخه د ځان په حق كښې يو لاس ليك اغستے كوم چې نړۍ او كشميريان تر نن ورځې نه مني۔ده ووئيل ملګرو ملتونو د هند دا عمل رد كړے او د كشميريانو خبره يې منلې۔په مقبوضه كشمير كښې مېشته كشميريانو د هند ځواكونو هر چال ته ماتې وركړې۔ده ووئيل د هغه وخت نه تراوسه په لاكهونو كشميريان شهيدان شوي٬په هند كښې په حراست كښې وژنې او ماورائے عدالت وژنې شوي ٬ مېرمنې او ماشومان شهيدان كړي شوي٬هم د د دې قربانو په سبب نن په نړۍ كښې د كشمير مسئله راپورته ده۔ده ووئيل د كشميريانو تحريك او د پاكستان به هغوي سره مرسته هم دغسې روانه وي٬دا د كشمير نه د انسانيت مقدمه ده۔په نړۍ كښې چې مسلمانانو سره څه كېږي هغه د ټولو په وړاندې دي۔ده ووئيل د لائن آف كنټرول دواړو اړخونو ته مېشته كشميريانو ته پېغام وركوم چې كوم هم حكومت وي چا هم د كشمير په مسئله سمجوته نه ده كړې۔ده ووئيل هند خپل ځواكونه د 80 زره نه 10 لكه كړي خو د كشميريانو د آزادۍ جذبه يې ذره كمے نه دے راغلے ۔ قمر زمان كائره ووئيل هند د 5 اګست څخه وړاندې هم داسې بريدونه كړي چې مقصد يې مقبوضه كشمير خپله برخه ګرځول دي٬كله د حلقه بنديو د لارې كشميريان تنګوي او كله د ډوميسائل د لارې بهرني كسان ځايوي٬په مقبوضه كشمير كښې تش په نامه حكومتونه راځي خو چا هم د كشميريانو لپاره كار نه دے كړے۔ده ووئيل د كشمير كمېټۍ كښې تېره ورځ د پارليمان د غړو جذبه د ليدو جوګه وه۔د كشمير پارليماني كمېټۍ چيئرمېن سيد باسط احمد بخاري ووئيل د اكتوبر 27مه نېټه داسې ورځ ده كومې چې په نړۍ كښې په شوو ظلمونو كښې تر ټولو لوي ظلم درجه اختيار كړی ٬د كشمير د مسئلې په اړه هرې پاكستانۍ ادارې نه يواځې په پاكستان بلكې د ملګرو ملتونو پشمول په هر نړيوال فوم غږ پورته كړے دے۔د آل پارټيز حريت كنفرنس مشر غلام محمد صفي ووئېل د اكتوبر 27مه نېټه د تورې ورځې په توګه لمانځو٬نن مونږ د دې پرېس كنفرنس د لارې د لائن آف كنټرول د دواړو اړخونو مېشته كشميريانو ته د پاكستان لخوا د مرستې ښكاره پیغام وركوو۔د اے پي اېچ سي پاكستان كنوينئر محمود احمد ساغر ووئېل د 5 اګست 2019 نه پس د مقبوضه كشمير چې كوم صورتحال دے٬هغه نړۍ ته معلوم دے ٬مقبوضه كشمير د نړۍ تر ټولو لوي زندان جوړ شوے ٬هلته انټرنېټ او نورې د رابطې زريعې بندې دي ۔
پاكستان٬كشمير او په ټوله نړۍ كښې به د اكتوبر 27مه نېټه د تورې ورځ په توګه لمانځلې شي٬د نړۍ په وړاندې به د هند ناوړه څيره بې نقابه كوو۔د وزيراعظم صلاحكار قمر الزمان كائره د اے پي اېچ سي مشر سره خبري كنفرنس ته وېنا
مضمون کا ماخذ : لاٹری کی پیشن گوئی
متعلقہ مضامین
