اسلام آباد 09 جولائي (اے پي پي) د اطلاعاتو او خپرونو دوهم وزير فرخ حبيب وئيلي دي چې مريم صفدر كله د خپل تره مودي څخه د ټېلي فون د لارې پوښتنه كړې چې په بې ګناه كشميريانو ولې ظلمونه كوي٬ د آزاد او جمو کشمير په الېکشن كښې چې كومه ژبه استعمالېږې، د دې ګټه كشميريانو ته خو نه دښمن ته ضرور كېږي، پرچي چيئرمېن د کرپشن دائره آزاد جمو کشمير ته رسول غواړي ٬ كشميريان دې محتاط اوسي٬ د الېكشن كمپائن نه وړاندې مريم او بلاول كله آزاد کشمير ته تللي٬ په دې خو ځائي خلق هم پوهه دي٬ مسلم ليګ (ن) پنځه كاله د کشميريانو استحصال كړے٬ په الېكشن كښې به تحريك انصاف كلين سويپ كوي٬ د ګلګت بلتستان په طرز ټرانسفارمېشن پلان به آزاد او جمو کشمير ته هم وركولې شي، عمران خان د ملګرو ملتونو او د امريكې دورې په مهال ټرمپ سره ملاقات كړې٬ د او آئي سي پشمول په هر فورم ئې د كشمير مسئله رامخې ته كړې۔ فرخ حبيب دا خبرې د جمعې په ورځ پي آئي ډي كښې خبري كفنرنس ته خپلې وېنا كښې وكړې۔ فرخ حبيب ووئيل عمران خان په نړۍ كښې د كشمير مسئله ژوندۍ كړې۔ ده ووئيل هند چې تر څو د پنځم اګست د اقدام نه وړاندې د مقبوضه كشمير سټېټس نه په ځائ كوي تر ھغې عمران خان د هر ډول خبر نه كولو كلكه پرېكړه كړې ده۔ ده ووئيل د پرچي چيئرمېن بلاول مسئله دا ده چې ھغه تر كشمير د كرپشن دائره او جعلي اكاٶنټس پرانستل غواړي٬ دوي ټګان دي ، د دوي لاس په كرپشن رنګ دے۔ ده ووئيل يو خوا په ټولو كېسونو كښې اېن آر او غواړي نو بلخوا د خپل ځان ضمانت غواړي٬ آيا په لندن كښې د ځان ضمانت شته۔ ده ووئيل د عمران خان د حکومت د هلو ځلو په سبب د هېواد معيشت قوي شوے ٬ كروندګر سوكاله دي٬ مزدورانو لپاره د روزګار نوې موقعې پېدا شوې دي٬ تعميراتي صنعت روان شوے٬ سټاك اېكسچېنج په بره روان دے، يوازې د شريف كورنۍ د كرپشن ګروتھ ولاړ دے۔ ده ووئيل په كشمير كښې خبرې كوي خو تاسو ته دې معلومه وي چې مودي د چا كور ته راغلے و ٬ د آمونو او ساړهي ډالۍ وركړې شوې٬ نواز شريف د مودي د سوګند پورته كولو په دستوره كښې ګډون لپاره چې لاړ نو د حريت مشرانو په ځائ ئې فنكارانو او د جندال كورنۍ سره ملاقاتونه وكړل، مونږ ته دې د كشمير په مسئله سبق نه ښائي٬ په كوم حكومت كښې چې فضل الرحمان د کشمير کمېټي چيئرمېن ٶ په ھغې كښې د سنجيدګۍ پته لګي۔ ده ووئيل عمران امريكې سره په مړانه خبرې كولې شي او د كشمير مسئله په هر كچه پورته كوي٬ د دې هر څه نه كشميريان خبر دي۔ ده ووئيل د كشمير په الېكشن كمپائن كښې مسلم ليګ (ن) او پيپلز ګوند يو بل ته پېغورونه وركوي٬ مسلم ليګ (ن) پنځه كاله د كشميريانو استحصال كړے٬ كشميريان به په الېكشن كښې د دې ځواب خامخه وركوي۔ د يوې پوښتنې په ځواب كښې فرخ حبيب ووئيل وفاقي وزير علي امين ګنډا پور كشمير كښې يو پل جورولو لپاره د خپله جېبه پېسې وركړې٬ په دې كښې څه بده خبره ده٬ د كشمير سودا كوٶنكې څوك پېدا هم نه دي٬ دا ډول خبرې دروغ او ناسم سوچ دے ، مريم د مودي ورېره جوړه ده٬ كله ئې د خپل تره نه پوښتنه كړې چې په كشميريانو ولې ظلمونه كوي۔ ده ووئيل پيپلز ګوند او مسلم ليګ (ن) ته په آزاد جمو كشمير كښې كانديدان نه ملاوېږي٬ په ګلګت بلتستان كښې ئې د خپلو ادعاګانو لس فيصده هم نه دې ترلاسه كړي شوې۔ ده ووئيل په انتخاباتو كښې يو شمېر كاندايانو وي او ټكټ يو ته ترلاسه كېږي٬ مرور كسان پخله كول وي او د كمپائن برخه ئې جوړول وي. ده ووئيل ګلګت بلتستان ته ټرانسفارمېشن پلان وركړے شوے،د سکرو ائير پورټ اپ ګرېډ شوے، د برېښنا منصوبې جوړېږي٬ تحريك انصاف به آزاد كشمير كښې حكومت جوروي او هلته به هم ټرانسفارمېشن پلان وركولې شي۔
مريم صفدر كله د خپل تره مودي څخه د ټېلي فون د لارې پوښتنه كړې چې په بې ګناه كشميريانو ولې ظلمونه كوي۔ د اطلاعات او خپرونو دوهم وزير فرخ حبيب
مضمون کا ماخذ : بہت سے نتائج
متعلقہ مضامین
.jpg)
