اسلام آباد 18 اکتوبر (اے پي پي) صدر مملکت ډاکټر عارف علوي په پاکستان كښې د متعدي او د غېر متعدي رنځونو مخنيوي لپاره د رنځ نه د بچ كېدو او زر تشخيص لپاره د يو جامع صحت نظام په ضرورت زور رواړلو سره ووئيل چې د صحت جامع نظام سره به اولس ته د صحت بهتر سهولتونه په لاس ورشي او دې سره به په هېواد كښې د صحت په نطام فشار كمولو كښې هم مرسته وشي۔ د ايوان صدر پرېس ونګ لخوا د جاري بيان له مخئ صدر مملکت د دې خيالاتو څرګندونه د پروفېسر چارلس ټوورټ په مشرۍ كښې د برتانيه د رائل کالج آف فزيشنز يو پلاوي سره په خبرو كښئ كړې چا چې د نهې په ورځ په ايوان صدر كښې ملاقات كړې۔ ده ووئيل د صحت نظام معيار كښې بنيادي بدلون لپاره د برتانيه د رائل كالج آف فزيشنز سره مرستې قوي كولو ته اړتيا ده، د دې مرستې په نتيجه كښې به د پاکستان اولس ته د صحت جديد سروسز وركولو او د صحت د نړيوالې ادارې د 2030 هدفونه ترسره كولو له مرسته ترلاسه شي۔ صدر مملکت ووئيل د پاكستان د صحت په څانګه كښې د اداره جاتي صلاحيت او استعداد پېدا كولو ته اړتيا ده۔ ده ووئيل اداره جارتي استعداد كښې اضافې سره به اعليٰ تعليم يافته او د تربيت يافته انساني وسائلو برقرار ساتلو٬ د صحت په څانګه كښې د افرادي قوت كمے ترسره كولو او بهر مېشته پاكستانيان ډاكټران بېرته راتللو ته راغب كولو له مرسته تر لاسه شي۔ صدر په دې خبره زور روارو چې د اېم آر سي پي امتحان د ميډيکل زده كوٶنكو لپاره طبي معائنه، رنځورانو سره خبرې اترې او د تشخيص ښه كولو يوه مهمه موقع ده۔ ده پخپلو سفارشاتو كښې سي اېم اېچ لاهور د اسلام آباد پېنډۍ نه پس د اېم آر سي پي امتحان په دوېم مركز ګرځولو هم د اطمينان څرګندونه وكړه او ګرد هېواد كښې پارټ ټو كلينكل امتحان وركولو لپاره د كانديدانو بېك لاګ كمولو لپاره ئې د هېواد په نورو ښارونو كښې د اېم آر سي پي امتحاني مركزونه جوړولو په ضرورت زور رواړو ۔ دغسې صدر د برتانيه د رائل کالج آف فزيشنز د فيوچر هسپتال پاکستان پروګرام ستائنه وكړه۔ صدر مملکت د كال 22-2021 لپاره پريکټيکل اسيسمنټ آف کلينيکل اېګزامينيشن سکلز چيمپئن ايوارډ په ترلاسه كولو پاكستان كښې د مېشته وړومبي فزيشن پروفېسر عامر غفور خان ستائنه وكړه۔ په دې موقع د پلاوي مشر پروفېسر چارلس ټوورټ صدر ډاكټر عارف علوي سره په خبرو كښې ووئيل رائل کالج آف فزيشنز دې فېوچر هسپتال پاکستان پروګرام له مخې پاكستان كښې شراكتدارو سره كار كوي كوم چې د رنځورانو د علاج جامع معاونت لپاره جديد ماډل دے۔
صدر مملکت ډاکټر عارف علوي سره د برتانيه د رائل کالج آف فزيشنز پلاوي وليدل
مضمون کا ماخذ : لاٹری کے اعداد و شمار
متعلقہ مضامین
