اسلام آباد ۔16مارچ(اے پی پی) د اطلاعات او خپرونو وزير مملكت فرخ حبيب وئيلي دي د اسلام ټھېكدار د اسلام په ځاے اسلام آباد له سياست كوي٬ د اسلامو فوبيا په اړه د او آئي سي ټول هېوادونه په يو پېج دي٬ وزيراعظم عمران تل په اسلاموفوبيا خبره كړې٬ د مارچ په 22 مه او 23 مه نېټه به د 57 هېوادونو خارجه وزيران په پاكستان كښې وي۔ د دې خيالاتو څرګندوه ده د شورؤ په ورځ خبري كنفرنس ته خطاب كښې وكړه۔ ده ووئيل ټولو له به قامي سوچ خپلول وي ٬ پاكستان كښې د او آئي سي كېدونكې غونډه به د ټولې اسلامي نړۍ ترجماني وكړي٬ ټوله اسلامي نړۍ په دې خوشحاله ده چې د ملګرو ملتونو عمومي اسمبلۍ د اسلامو فوبيا مخ نيوي لپاره د پاكستان لخوا وړاندې كړے قرارداد په يوه خله منظور كړے۔ د اسلامو فوبيا مخنيوي لپاره نړيواله ورځ ګرځول د يو نيم ارب مسلمانانو ترجماني ده۔ وزیر مملکت فرخ حبیب ووئيل په نړيوالو فورمونو عمران خان د يو نيم اربه مسلمانانو ترجماني كړې۔ په كال 2019ﺀ كښې مكه كښې د او آئي سي غونډه كښې وزيراعظم عمران خان په اسلاموفوبيا او ناموس رسالت ﷺخبره كړې وه ٬ دغسې په ستمبر 2019 كښې د ملګرو ملتونو عمومي اسمبلۍ غونډه كښې وزیراعظم عمران خان په خپل خطاب كښې د اسلامو فوبيا او ناموس رسالت ﷺ مقدمه نړۍ ته وړاندې كړې ۔ ده ووئيل په نړۍ كښې د اسلامو فوبيا په نامه مسلمانان هدف ګرځولے شوے٬ په نيوزي لېنډ كښې په جومات بريد وكړے شو ٬ په لوئيديز او هند كښې په حجاب كوؤنكو مېرمنو بريدونه كېږي۔ په هند كښې جوماتونه په نخښه كولې شي او هم له دې كبله د او آئي سي د كال 2020 غونډه كښې زمونږ خارجه وزير د مارچ 15 مه نېټه د اسلامو فوبيا مخنيوي لپاره د نړيوالې ورځې ګرځولو غوښتنه كړې وه ۔ ده ووئيل د كله نه چې عمران خان وزيراعظم جوړ شوے په هره موقع ئې د پاكستان او كشمير په شمول چرته چې هم په انسانيت ظلم كېږي هغه ئې په ډاګه كړے۔ د افغانستان په معامله د او آئي سي غونډې نمائندګي پاكستان ته وركړې شوې۔ ده ووئيل سياسي هلې ځلې تر هغه د جمهوريت ښكلا پاتې كېږي تركومې چې پكښې تشدد شامل نه شي
د اسلام ټهيكدار د اسلام په ځاے اسلام آباد له سياست كوي٬ د اسلامو فوبيا په اړه د او آئي سي ټول هېوادونه په يو پېج دي٬ وزيراعظم عمران تل په اسلاموفوبيا خبره كړې٬ د اطلاعات او خپرونو وزير مملكت فرخ حبيب خبري كنفرنس
مضمون کا ماخذ : مڈاس گولڈ
متعلقہ مضامین
