اسلام آباد۔22جون(اے پی پی) د اطلاعاتو او خپرونو وفافي وزير چوهدري فواد حسېن وئيلي دي الېكشن كمېشن يوه آئيني اداره ده ٬ د پارليمان په جوړ كړې شوي قانون د عمل درآمد پابند ده۔ پي ټي آئي ټول عمري سمندر پورې پاكستانيانو ته د ووټ حق وركولو خبره كړې ده۔ په دې خبره نه پوهېږو چې ن ليګ او پي پي پي سمندر پورې پاكستانيانو نه يره ولې كوي۔ د سمندر پورې پاكستاني وګړو ترسيلات زر د پاكستان معيشت بدل كړے دے۔ ټوله نړۍ د پاكستان د وېكسينېشن پروګرام اعتراف كوي۔ څلور لكه كسان روزانه وېكسين لګوي۔ زمونږ هدف د روان كال تر پايې 7 كروړه كسانو ته وېكسين لګول دي۔ وفاقی كابينې د اسلم خان د پي آئي اے د نوي چيئرمېن تعينات كولو منظوري وركړې ده۔ د نهې په ورځ د وزيراعظم عمران خان په مشرۍ كښی د وفاقي كابينې غونډې نه وروسته ميډيا ته بريفنګ كښې وفاقي وزير ووئيل د كابينې غونډه كښی په اي وي اېم او آئي ووټنك بريفنګ وركړے شو۔ اړوندو وزارتونو وزيراعظم ته ووئيل چې په دې لړ كښی د ټېكنالوجي چارې وخت سره سمون لري۔ زمونږ مقصد د ټاكنو يو داسې تګلاره وضه كول دي په كوم چې ټول همكاران باور وكړے شي۔ دغې تګلارې لپاره مونږ هڅې كوؤ۔ د راتلونكو ټاكنو نه وړاندې په ځائي او ضمني ټاكنو كښې بايد اي وي اېم وكارولې شي دغسې چې د خلكو پرې باور پېدا شي۔ او كه دې كښې كومه مسئله وي نو چې د ټول ټاكنو نه وړاندې هغه لرې كړې شي۔ وفاقي وزير ووئيل 80 لكه نه تر 85 لكه پاكستاني بهر هېوادونو كښې مېشته دي۔ دا د پاكستان محسنان دي۔ دا مهال زمونږ 4 فيصده شرحې سره مخ په وړاندې روان دے۔ د اوورسيز پاكستاني وګړو لخوا رالېږلې شوې ترسيلات زر سره د پاكستان معيشت بدلېږي۔ هغه ووئيل يو زر اربه روپو نه زيات ترسيلات بهر هېوادونو كښې مېشته پاكستانيانو رالېږلې دي۔ د وفاقي كابينې پرېكړو په اړه وفاقي وزري ووئيل وفاقی كابينې د اسلم خان د پي آئي اے د نوي چيئرمېن تعينات كولو منظوري وركړې ده۔ وفاقي كابينې د ساجد بلوچ د اېګزېكټو ډائرېكټر نېشنل ووكېشنل اېنډ ټيكنيكل ټرېننګ كمېشن تعينات كولو منظوري وركړه۔ كابينې د كارلټن هوټل كراچۍ زمكې كارولو وړاندېز ايجنډا تر يوې اونۍ وځنډوله۔ دې سره سره د ممنوعه وسلې لائسنس اجراﺀ په خواستونو د غور معامله هم ځنډولې شوې ده۔ هغه ووئيل وفاقي كابينې د اسلام آباد ماسټر پلان بيا جاج اخستلو حوالې سره جوړ كړې شوي فېډرل كمېشن كښې د غړو تعينات كېدو او وفاقي پلازمينه كښې د موجود غېر منظورې شوې او غېر قانوني هاؤسنګ سوسائټو معاملې جاج اخستلو له د كمېشن د جوړولو سمري لا غور لپاره بېرته اخستې ده۔ وفاقي وزير ووئيل هاؤسنګ سوسائټۍ مخ په زياتېدو دي او د زمكې دننه د اوبو كچه مخ په ښكته روانه ده۔ كه دغسې دې سوسائيټو ته اجازه وركړې شي نو معاملات به نور خراب شي۔ د وزيراعظم وژن دے چې د داسې پلاننګ كولو په مهال دې ماحولياتي مسئلو ته اهميت وركړے شي۔ وفاقي وزير ووئيل د وفاقي حكومت په ډېرو ځايونو كښی پراپرټۍ دي په كومو چې قبضه ده په كومو كښې چې د كراچۍ ګرانې پراپرټيز هم شامل دي۔ د نېشنل پرېس ټرسټ بلها پراپرټيز دي۔ كوم قانون چې راوړلے شي په دې كښی به يو سركاري افسر د انكروچمنټ په ګوته كېدو 30 ورځو كښې دننه شوكاز نوټس جاري كوي۔ معامله چې عدالت كښې څومره چلېږي په دغه زمكه قبضه كوؤنكي به دومره كرايه ادا كوي۔ له دې كبله حكومت به د پراپړټيز خوشې كولو لپاره يوه نوې تګلاره معارفي كوي۔ هغه ووئيل وفاقي كابينې په كري روډ اسلام آباد د سپريم كورټ سټاف هاؤسنګ كالونۍ جوړولو اجازې معاملې جاج اخستو له د بشري حقونو وفاقي وزيرې شريں مزاري په مشرۍ كښی د كمېټۍ جوړولو منظوري وركړه۔ هغه ووئيل دیامر بھاشا کمپنۍ كښې د 5 انډیپنډنټډائرېکټرز تعینات كولو منظوري هم وركړې شوه۔ كابينې د اقتصادي رابطه كمېټۍ د 16 جون 2021 او د 21 جون 2021 غونډو كښې د شويو پرېكړو توثيق وكړو۔ هغه ووئيل قانون سازۍ لپاره د كابينه كمېټۍ د 17 جون 2021غونډه كښې د شويو پرېكړو هم توثيق وكړے شو۔ د يوې پوښتنې په ځواب كښی وفاقي وزير ووئيل د سركاري زمكو خوشې كولو له چې كوم نوے قانون راوړلے شي هغه به په رېلوے هم لاګو وي۔ دغسې متروكه وقف املاك بورډ به هم خپلې زمكې خوشې كولې شي۔ د يوې بلې پوښتنې په ځواب كښې وفاقي وزير ووئيل د اپوزيشن لخوا اے پي سي د پارليمان كمزورې كولو سازش دے۔ كه د اصلاحاتو خبره كول وي نو پارليمان كښې موجوده ګوندونه دې په هغې خبره وكړي۔ مونږ په دې نظام كښی مولانا فضل الرحمن او مريم نواز استېك هولډر نه ګڼو۔ دا خلق به ټولې ممكنه هڅې كوي چې دا نظام مخ په وړاندې لاړ نه شي۔ هغه ووئيل هغه سياسي ګوندونه كوم چې پارليمان كښې نمائندګي لري هغه دې مونږ سره خبره وكړي۔ مونږ هغوي ځان سره وړاندې بوتللے شؤ۔ د يوې بلې پوښتنې په ځواب كښې هغه ووئيل چې هغه ټول پاكستاني وګړي كوم چې شناختي كارډ لري هغوي د ووټ رجسټرډ كولو حاجت نه لري۔ دا نظام نوے جوړ كړے شوے دے۔ ټول شناختي كارډ لرونكي د ووټرانو په لسټ كښې شاملولې شي۔ هغه ووئيل الېكشن كمېشن يوه انتظامي اداره ده دې له به د پارليمان د نظام له مخې خپل كردار ترسره كول وي۔
الېكشن كمېشن يوه آئيني اداره ده ٬ د پارليمان د جوړ كړې شوي قانون عملي كولو پابند ده۔ پي ټي آئي ټول عمري سمندر پورې پاكستانيانو ته د ووټ حق وركولو خبره كړې ۔ د چوهدري فواد حسېن د وفاقي كابينې غونډې نه وروستو ميډيا بريفنګ
مضمون کا ماخذ : apostas lotomania
متعلقہ مضامین
