بيجنګ 03 نومبر (اے پي پي﴾ پاكستان او چين د تزويراتي شراكتدارۍ لا مستحكم كولو د عزم څرګندونې سره په دوه اړخيزه اړيكو د اطمينان څرګندونه كړې٬دواړو هېوادونو د دې ژورو او مستحكم اړيكو جاري ساتلو او د شريكې مرستې د نوې لارو لټولو د عزم څرګندونه كړې٬د پاكستان او چين ترمينځه د خالي په ورځ د پلاؤ په كچه مذاكرات وشول۔ وزيراعظم عمران خان د نومبر د دوهمې نېټې نه تر پنځمې نېټې د چينائي وزيراعظم په بلنه د چين په وړومبۍ سركاري دوره دې٬د چين په لويې عوامي هال كښې د وزيراعظم عمران خان تود هركلے شوې۔وزيراعظم په دې موقع د ګارډ آف آنر معائنه هم وكړه۔د دوه اړخيزه ملاقات په مهال د چين وزيراعظم عمران خان ته د پاكستان په ټول ټاكنو كښې په كاميابۍ او د وزيراعظم په توګه د ده په ټاكنه مباركي وركړه او د دې خواهش څرګندونه يې وكړه چې سدا بهار تزويراتي شركت مستحكم كولو لپاره به په ګډه كار كوي۔وزيراعظم عمران خان د چينائي وزيراعظم لخوا په تود هركلي او كوربتوب كولو د ده مننه وكړه او د پاكستان او چين ترمينځه يې د مضبوط تزويراتي شركت د عزم پخلې وكړو۔دواړو مشرانو په دوه اړخيزه اړيكو د اطمينان څرګندونه وكړه۔دوي د دې عزم څرګندونه وكړه چې دا ژورې اړيكې به جاري ساتلې شي او د دوه اړخيزه مرستې نوې لارې به لټولې شي۔دواړو خواوو د چين پاكستان اقتصادي لارې د پروژې په پرمختګ هم د اطمينان څرګندونه وكړه كومه چې د بېلټ او روډ د اقدام مهمه پروژه ده۔دواړو مشرانو د سي پېك په لا پرمختګ او د دې په اهميت د بشپړ اعتماد څرګندونه وكړه۔دوي هيله څرګنده كړه چې د خاص اقتصادي ځايونو او صنعتي پاركونو جوړېدو سره به د پاكستان د صنعتي پرمختګ عمل تند شي۔د ملاقات په مهال د نوې پاكستان وژن له مخې وزيراعظم عمران خان د چين وزيراعظم ته د بدعنوانۍ مخ نيوي٬غربت خاتمې او د چين په ايجاداتو كښې په جدت او په آئي ټي كښې په كاميابۍ مباركي وركړه۔وزيراعظم ووئيل چې د چين لخوا د تېرو 40 كلونو په مهال ترلاسه شويو كاميابو په ن تيجه كښې سماجي او اقتصادي پرمختګ د نړۍ پرمختګ كونكو هېوادونو لپاره يو لويې مثال دې۔دواړو مشرانو د سيمه ايز او نړيوال اهميت په چارو په نزدې مرسته روان ساتلو هم اتفاق وكړو۔دوي په دې خبره هم اتفاق وكړو چې د دواړو هېوادونو ترمينځه په آزمائېلې شويو اړيكو كښې به په سيمه ايز او نړيوال صورتحال هېڅ آغېز نه كېږي۔په دې موقع د كركيلې٬د غربت خاتمې٬د ځنګلاتو٬د قانون نافذ كولو په څانګو او د سماجي او اقتصادي پرمختګ بېلا بېلې لوظ نامې او د تفاهم يادښتونه هم لاس ليك شول۔په دې موقع د چين وزيراعظم د پاكستاني وزيراعظم او د هغه د پلاوي درنښت هم وكړو۔ وزيراعظم په وړومبي فرصت كښې د چين وزيراعظم ته د پاكستان د دورې كولو بلنه وركړه چې حتمي نېټې ته به يې د سفارتي ذريعو د لارې حتمي شكل وركولې شي
پاكستان او چين د تزويراتي شراكتدارۍ لا مستحكم كولو د عزم څرګندونې سره په دوه اړخيزه اړيكو د اطمينان څرګندونه كړې
مضمون کا ماخذ : resultados loteria ریو ڈی جنیرو
متعلقہ مضامین
